韓國女星李寶英跟李尚允、權律等人合作嘅SBS新劇《悄悄話》，將於27日（下周一）首播，劇組今日下晝就於首爾舉行製作發佈會，李寶英穿上黑色通花連身裙現身。由於啲通花面積都幾大，令李寶英嘅胸前及美腿若隱若現，非常性感。

李寶英今次孖李尚允合作，劇中二人由死對頭發展成同伴，一齊尋找真相，而李寶英今日亦有於台上蹺實李尚允、做出講悄悄話嘅動作，加上二人有講有笑，似乎真係非常合拍。

至於李寶英嘅老公池晟，因為早前主演嘅《被告人》收視屢創新高，目前劇組就於沖繩旅行慶功，金玟錫噚日就於Instagram公開跟池晟、Yuri等人旅行時嘅合照，玩得非常開心。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。