演員呢份工，有時真係唔係咁易做。好似韓國女星李敏貞，咪以為睇佢拍劇集《回來吧大叔》時瞓喺張床度演戲好舒服，以為佢真係有床瞓，實情係……嚴格嚟講佢係瞓地……瞓喺地上張床褥演戲！

李敏貞喺Instagram大揭秘，公開咗拍攝《大叔》鏡頭外嘅花絮相，並留言：「拍親床戲就係咁。」難得佢拍慣拍熟，打地鋪都冇乜所謂，不過對於行外人嚟講，呢張相認真大開眼界。

提起李敏貞，佢老公李秉憲最近同孔孝真喺澳洲拍攝新片《SingleRider》，有粉絲影到佢哋開工嘅情況，話好簡單一個落車鏡頭，佢哋兩個都要上上落落拍攝多次，十分辛苦。