今年上半年新股表現遠勝去年，近一半新股首日錄超過一成升幅。鍾絳虹不諱言，近期新股市場氣氛的確轉旺，「單睇廣發證券（1776）的白表eIPO，收到十幾張逾百萬元的申請，係近年罕見，反映有復蘇迹象」。
不過，她認為雖有幾隻「喪升」新股，但一般散戶難從中獲利：「表面睇係好好，但唔少都係集資額好細，有啲淨係得配售，質素好參差，好多更係你哋口中嘅『啤殼公司』。」（即公司上市並非為了集資壯大本業，而是為了取得上市地位日後出售）她形容今日上市的華泰證券（6886）及廣發認購反應踴躍，反映散戶「識得揀」，「要有質素好、夠大隻嘅新股，先吸引到人。」
鍾絳虹透露，有兩、三間企業早前見市淡暫緩上市計劃，近日見港股當旺，亦急急重新入表，她認為這正是好時機吸引國際企業來港IPO，「香港近期多咗好多熱錢，流通量高咗，對外國公司來港掛牌係有一定吸引力」。
鍾絳虹又表示，由於內地A股轉用註冊制，加快審批新股速度，提升競爭力，但是香港卻在流通量以及估值兩方面均不及A股，故此更應趁現時抓緊機會：「香港短期內仍然法制上優勝過A股，但呢個時機唔好好把握，市場又會淡靜番好多。」
早前鍾絳虹提及的「雙幣雙股」IPO，她指由於該公司的內部因素問題，最終未能成事，「我話過呢隻唔得就唔會再sell雙幣雙股，但如果滬港通要行新股，我相信係一定要做雙幣雙股，以減低投資者的滙率風險」。
記者：郭曉琳