早前《雷霆掃毒》嘅吳綺莉，之前同鄧梓峰無啦啦捲入車震風波，話佢哋喺新界八鄉被巡邏警員撞破，吳綺莉輕鬆否認，不過輕輕鬆鬆鄧梓峰就嬲到噴火，話要循法律途徑追究。之後又有傳單嘢關同劇嘅黃子雄事，總之越搞越複雜。

爆出呢單嘢之後，今晚吳綺莉、黃子雄首度同場現身，喺電視城西餐廳出席行政主席梁乃鵬款待《雷》片台前幕後仝人嘅晚宴。今日下晝仲有去將軍澳出席新劇宣傳嘅鄧梓峰就冇嚟。

黃子雄主動邀吳綺莉合照，兩人表現大方，對於被傳車震一事，吳綺莉話：「唔尷尬，覺得好笑，自己冇唔開心。」佢指自己唔接受車震：「男女有乜都唔應該喺街做，冇人要求過，自己都唔會。」黃子雄亦稱得啖笑，唔尷尬，仲話：「我同吳綺莉唔熟，拍劇會傾偈，但拍完冇聯絡，唔知點解自己有嫌疑。」有冇試過車震？佢話︰「犯法o架！我架車好細，撞嚟撞去會撞瘀。」

一人一票投蘋果【萬千星虧】，發動蘋民力量，對撼CCTVB公投↓↓↓
http://tv-voting.appledaily.com/