自小就鍾意跳舞嘅Gabriella、Roberta同Fernando細細個就已經認識，得知奧運招募表演者就一齊報名，結果齊齊成功獲取錄，仲認識埋志同道合嘅Julia，四人都特別開心同享受。不過，31歲、做緊營養師嘅Roberta就話：「每人都有自己嘅正職，由兩個月前開始練習，每個禮拜練兩至三日，每日練五個鐘。放工之後就要趕去練習，其實都好攰。但到最後，真係好開心同好榮幸可以喺呢度表演。」
企喺舞台上，佢哋仲分別以「好正」、「好激動」、「永遠唔會忘記」同「非常興奮」去形容今次經歷。邊個話只有運動員先可以參與奧運㗎！記者：盧曉君