呢幾日熱到飛起，小妹嘅小背心、tubetop紛紛出籠，少不免露吓bra帶，都係時候買啲新bra傍身。噚日問吓Wacoal公關姐姐Freda有乜好介紹，佢叫小妹忍多陣，因為Wacoal呢個月14至20日喺銅鑼灣崇光百貨9樓特賣場舉行夏日勁減，過百款胸圍內褲以「誘惑價」發售。

百幾款點揀好？Freda話，心水推介有綺麗、實用功能兼備的MagicX胸圍系列（原價$350，特價$218），着咗體態更加豐滿；另一款新蜂巢式設計嘅垂直纖維棉ELK的PurityBra系列（原價$320，特價$198），又吸濕排汗，最啱配嚟着bratop。
Freda又話，Wacoal旗下嘅少女內衣品牌UneNanaCool同樣呢個月14至31日，喺10間專門店同專櫃大減價，精選內衣低至三折。心水推介包括配上紅色喱士花邊嘅豹紋胸圍（原價$240，特價$128），簡約嘅雙肩帶設計。

電郵：mailto:[email protected]