當年今日
關於我們

【歌迷投訴】陳曉東簽名CD被質疑真偽 耀榮發言人:逐隻簽埋先走

蘋果日報 2017/09/29 07:00

尖沙嘴陳曉東生日會假簽名眼睛不適

陳曉東喺今個月3號,於尖沙嘴一間酒店同近300名嚟自中港台及星馬嘅歌迷開咗42歲生日會。不過活動之後,有歌迷投訴東東只係同部份歌迷近距離接觸同合照,之後又不辭而別提早離場,令唔少人好失望。
早前東東嘅香港代理公司就回應番呢件事,東東因為眼睛不適,雙眼紅晒又不停流眼水,又話活動超時要交場,工作人員先安排東東先行離開,公司當日話希望fans體諒。(新聞連結: http://bit.ly/2xIqdew )
原來事後有份出席活動嘅fans,都收到一隻簽名CD作為補償,不過噚日有讀者投訴,簽名CD原來係假貨,仲表明:「作為多年來的忠實粉絲,100%肯定不是陳曉東真跡。」對於假簽名好失望。
東東香港代理公司耀榮文化發言人回應時,無奈稱:「啲簽名全部都係東東離開香港時逐隻簽,就算好趕時間,東東都簽埋先至走。我諗如果係東東嘅歌迷都會相信佢,但如果唔信嘅話,再解釋都無用㗎喇!」
empty
有fans投訴,作為補償嘅簽名CD,唔係東東真跡。
empty
東東香港代理公司耀榮文化發言人回應話,就算東東幾趕,都喺離開香港前逐隻簽埋先走。(資料圖片)