離過婚嘅美國女星梅根馬克爾（Meghan Markle）拍過大熱美劇《Suits》，不過更出名係佢上年開始同英國皇室成員哈里王子拍拖，最近梅根就登上雜誌《名利場》（Vanity Fair）封面，更首次開腔講到2人戀情指：「我哋係兩個好開心熱戀中嘅人。我地秘密咁拍咗6個月拖，期間我都係忙工作，只係大家對我嘅睇法唔同咗。我自己冇嘢變過，我仍然係同一個人，我唔會用一段感情嚟釐定我嘅價值。」

又指佢哋肯意發展地下情：「我哋係一對，我哋相愛，我好肯定有一日我哋會踏前一步向大家講我哋嘅故事，但我希望大家明白我哋有自己嘅時間，呢個正係呢件事特別之處，因為係專屬我哋嘅。但我哋好開心，我好鍾意偉大嘅愛情故事。」佢又指自己避開報紙雜誌，免受批評影響。