韓國男團少年24嘅25歲成員劉榮斗近日被爆轉售粉絲送畀佢嘅禮物，據了解劉榮斗今年3月喺韓國一家二手交易網站，以20萬韓圜
（約1,360元）嘅價錢出售一對耳環，點知好快就被粉絲發現呢對耳環正係粉絲送畀劉榮斗。

唔少粉絲都鬧爆偶像咁樣做法，覺得佢唔珍惜粉絲送畀佢嘅嘢，同時又質疑佢到底係唔係咁等錢使，又懷疑之前劉榮斗亦曾經出售過一對粉絲送贈嘅鞋子。

對於出售粉絲送贈嘅禮物，劉榮斗立即認錯，並於今日喺少年24嘅粉絲團網站發文，直認自己出售粉絲送給自己嘅耳環，佢為此事道歉，同時承諾唔會再犯同樣嘅錯誤，不過佢就強調佢只出售過耳環，未有出售粉絲送贈嘅鞋子，而該鞋子係屬於佢自己。