【第32屆香港電影金像獎頒獎禮之配角篇】陳靜（DaDa）憑《低俗喜劇》的「爆炸糖」一角，一擊即中勇奪金像獎最佳女配角，前晚她在尖沙嘴慶功。接受訪問時，DaDa不捨得放低獎座，提到在台上多謝《低》片發行公司「Golden Scene」時，因英語發音不準，竟被高登仔誤會是「多謝高登先」，令一眾高登仔歡喜若狂，她哈哈笑說：「係咩？都要多謝佢哋，佢哋都好捧我場，製造好多話題，我亦係佢哋忠實粉絲。」問到會否學好英語？她說：「台上太緊張，會積極進修。」她是首位成功轉型兼得獎的𡃁模，更獲劉德華祝前途似錦，DaDa興奮地說：「大家都知佢係我偶像，佢嘅說話意義重大。」
其間，阿澤甫見DaDa即說：「我哋呢啲阿叔幾十年都冇攞到，你一嚟就攞到，之後睇住我呀！」DaDa尷尬得鞠躬致謝。

DaDa相信前晚的頒獎禮比結婚還重要，問到以後是否封胸？她說：「唔會，冇諗過，今次係鼓勵自己要努力，做好本份。」她又直言贏在角色：「我真係好幸運，可以行一條屬於自己嘅路，希望未來拍多啲劇，喺電影再下一城。」問到會否加片酬？她說：「要問公司。」最後她更對住鏡頭高舉獎座：「阿媽我得咗！」DaDa玩到凌晨4時多，由於玩得太開心，離開時已飲到半醉。
採訪、攝影：溫敏芝