吾爾開希噚晚乘港龍班機返台灣，臨走前，佢喺機場向香港人話別。佢對港人過去十五年來對自己嘅支持非常感激，亦好感激過去八日港人咁接受佢。
第二樣，令佢一直耿耿於懷，就係話如果過去十多年，佢本人或者民運分子有做得唔夠好，令香港人失望嘅地方，佢想對大家講句「對不起！」
冇乜對不起吧，係有啲唔認得佢個樣啫，吾爾開希趕返台灣同妻兒度歲，佢好希望可以早日返回中國大陸老家同父母團聚，「沒有任何事要令一家人分開」，吾爾開希感觸離港，亦祝願港人毋須好似佢咁受到家人分離之苦，猴年快樂。
有消息話吾爾開希本來重想早啲返台，但係港龍啲機好爆走唔到。老董個仔董立均係港龍嘅業務總裁，唔知係咪咁都識得「戟」一「戟」吓阿肥希，等佢行不得也，冇樣順利，令到李鵬開心吓？
（圖）吾爾開希（右）終於離開香港，老友劉千石送行。


傳真︰2623-9278
電郵︰[email protected]