【忙中有錯】鄭中基總動員包裝口罩贈基層市民 希望幫到幾多得幾多
蘋果日報 2020/03/11 14:40
鄭中基口罩
（FB圖片）
周一（9日）是鄭中基的48歲生日，當日他在社交平台貼出逾34盒口罩及一箱酒精搓手液的照片，他感謝大家的祝福，並希望將祝福分享出去。原來他決定將這些口罩送給有需要的人：「早排過年時見到啲老人家凍住排隊買口罩，仲要未必買到，真係好心噏。啲獨居長者冇口罩又點落街買餸呢？基層市民手停口停，每日都要返工，但公司又未必提供到足夠口罩同搓手液，其實佢哋仲危險。所以就叫同事幫手搵防疫物資，希望幫到幾多得幾多。」
最後在同事的努力下，終於願望達成：「呢幾個星期馬不停蹄，採購、QC、包裝、聯絡機構、送貨，要感謝我啲同事同一眾幫過我哋嘅機動好友，辛苦你哋啦！稍後再介紹合作嘅兩間慈善機構，希望大家都多啲留意社會上需要被幫助嘅人士啦！#公司總動員」
之不過相中見到鄭中基在未有戴口罩的情況下，指揮同事分批包裝，雖然有人發現相中的「七個人」實際上只得三個，彼此距離不算近，但有網民笑說：「唔好以為做老細唔使戴口罩喎！」不過鄭中基的同事回覆：「當我哋發現嘅嗰一刻，大佬經已拆咗個相機架落嚟啦，非常之唔好意思！」其後亦有人留言說：「多謝你！如果需要我出車接送出貨，請如我聯絡免費，幫得幾多得幾多。」
鄭中基日前已經預告會分享祝福。（FB圖片）
有網民留言提醒鄭中基要戴口罩。（FB圖片）
（FB圖片）