當年今日
關於我們

船工墮海亡全家陷困境

蘋果日報 2003/02/20 00:00


三十七歲躉船工人黃潤光,早前墮海失蹤,近日屍體終被發現。黃家上下對阿光的死,悲痛不已,並希望盡快讓他入土為安。可是,年來迭遭不幸的黃家,家境清貧,無力應付突如其來的殮葬開支,蘋果基金即時施予援手。
「聽阿哥啲同事講,佢嗰日係因為唔小心跌咗份文件落海,所以想落去執番,點知海面風浪太大,阿哥好快就被大浪捲走咗,佢啲同事都有落海企圖救佢,但都唔成功。」死者的胞弟錦慶說。
單身未婚的黃潤光,在五兄弟妹中排行第二,與父母同住,任職躉船工人,負責貨櫃掛鈎的工作。阿光本身是水上人,自幼與海為伴,想不到最後亦葬身大海。
出事後,阿光一度失蹤八天,直至日前,其屍體始被水警發現在大嶼山竹篙灣海面漂浮,經過家人認屍,證實其身份。

雙親打擊至大
錦慶表示:「正所謂『行船跑馬三分險』,其實阿哥都有諗過轉行,不過佢冇學歷,讀書只係讀到中二,𠵱家經濟環境又唔好,佢先一路拖住先,估唔到真係出事。」
阿光猝死,他的雙親打擊至大,終日茶飯不思,以淚洗面。為免老人家再受刺激,喪事交由阿光的兄嫂及弟弟處理。
「阿光出名好仔、孝順,今次佢死得真係好唔抵,不過,𠵱家都唔係追究責任嘅時候,最緊要盡快搞好佢嘅身後事,等佢安安樂樂。」阿光的大嫂一臉傷感地說。
empty
家人收入微薄
奈何面對突然發生的事件,和龐大的殮葬開支,黃家眾人感到心有餘而力不足。
黃家上下收入微薄,錦慶任職跟車工作,他的兩名胞妹則為文員,大家可說是「餐搵餐食」;同樣當船員的長兄華根,則於去年四月因為工業意外受傷,雙足折斷至今仍未康復,需靠輪椅代步,現時每月只領取五分之四的薪金,養活妻兒。
華根搖頭歎道:「屋企近排真係多事幹,我自己都未搞掂,𠵱家又輪到個細佬。老實講,我人工已經唔多,受傷之後又少一截,兩個仔女讀書返學咁多使費,好多時都要靠阿光幫我,但𠵱家我就幫唔番佢轉頭。」

基金撥款相助
蘋果日報慈善基金了解過黃家的困境之後,即時從「殮葬專戶」撥款一萬五千元,協助他們辦理阿光的身後事。
捐款編號:C0835

暖流熱線
電話:29908688
傳真:23702192
電郵:[email protected]
網址: http://www.charity.atnext.com
empty
阿光為人孝順,卻不幸英年早逝。