【積奇挑機】潘頓終於出手！第六場一定「春風得意」！
蘋果日報 2019/12/28 22:00
春風得意積奇積奇挑機
潘頓今季多次為春風得意主操
星期日（29日）沙田編跑十場，六草四泥，草地用B加2跑道角逐。
近期賽事編排頻密，參戰馬實力狀態頗參差，勢成亂局。天文台預測可能有雨，對泥地會有影響，要臨場執生。
第六場四班1400米草地：「春風得意」季內潘頓一直有主操，五個大閘都親試，不過卻未曾策騎，近兩次都由蘇狄雄執韁。
田草1200米負於「清新動力」得亞軍，上仗輸泥地，不可作準。
今次潘頓終於選騎，四歲當起馬狀態越戰越勇，剛周四（26日）潘頓為何良勝出「盛大光輝」。
騎練今次乘勝追擊，1400米上季跑過殿軍，路程適應絕無疑問，台前幕後都恨贏，一定戰意鮮明。
「高大威猛」上仗加眼罩效果甚佳，復課身靚快跳更爽，排四檔好跑，三甲應甚穩。
「爆騷」換利敬國執韁，應有更佳發揮。「精彩千里」三歲不斷進步，都是配腳之選。