陳日君今年6月初因濕身而患感冒,接受訪問時聲線仍沙啞,當初「因為有少少嘢未做」拒絕看醫生,到六四晚上祈禱會時,已經無力站着講道,「本身要寫篇(講道)文章,都唔得喇,寫points(要點),坐喺度講,跟住完咗又唔捨得走,又坐埋,返到去唔得喇,第二日去醫院」。
回家吃了3日藥後燒仍未退,陳日君再次求診,但又「因為有少少嘢未做」,拒絕入院,僅取了3日藥,高燒始終沒有退,「發燒我唔驚,氣管炎我都唔驚,因為以前都試過吖嘛,後來哮喘呢,我驚呀!」他拍拍心口,「真係執返條命」。
「我疏忽平時感冒,突然嘭一聲衝出嚟,好彩醫院啲醫護人員好好,如果唔係可能死咗喇。」向來以為自己「鐵打」的他終於知錯,自言開始戒捱夜,濕身就換衫,又承認身體差了,「都出咗院一個月,係中氣不足,以前講兩三個鐘頭書都冇問題,𠵱家唔得」。他將於明年退下教書工作,「教書都辛苦㗎,我80幾㗎喇,都要退啦」。
大病給他的另一個啟示,就是要繼續說真話,「我咁嘅年紀,執返條命,冇乜得失㗎喇,所以照良心講嘢囉,唔講嘢地下(教會)會好失望」。
■記者張嘉雯