當年今日
關於我們

陳柏宇嘲太太地獄廚神 黃妍疫情下練出好廚藝

蘋果日報 2020/09/18 17:38

陳柏宇黃妍

近日推出新歌的陳柏宇和黃妍今日到鰂魚涌,為一個廚藝比賽拍攝網上宣傳片段,見黃妍切食材時功架十足,原來她趁疫情期間練習廚藝,還得戚地說:「其實出面食啲嘢自己都煮到啦!」黃妍今日炮製豚肉生薑燒和味增蜆湯。
陳柏宇平日則甚少下廚,只會早上煮奄列作早餐,由於跟太太符曉薇飲食習慣不同,會各自安排,又嘲笑太太:「老婆而家煮嘢叻咗,以前係地獄廚神,又唔肯學,學咗就有進步。」至於何以令太太開竅?陳柏宇說:「唔知道,終於醒啲啩,但佢邏輯錯到不得了,明明可以跟食譜同步驟去做,但佢偏偏唔會,衰咗之後,我都會問佢咁點解你唔跟人哋嗰套。」遇到太太煮食不合胃口時,陳柏宇說:「唔好食我唔會食晒,我都係講真話,吓吓唔啱食我都食晒咩?好彩囡囡嘅食物有姐姐負責。」他堅持不會學習廚藝。
黃妍認為今年自己步伐放慢,但多了時間在家培養音樂、畫畫、睇戲等,能夠吸收靈感,希望年尾再能夠推出新歌。
empty
陳柏宇和黃妍在疫情暫緩下復工。
empty
陳柏宇取笑太太是地獄廚神。
empty
黃妍透露在疫情期間練習廚藝。
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁