何超雄今日向高等法院登記「知會備忘」,請法院勿在沒有通知其代表律師行的情況下,將何鴻燊遺產的授予書蓋章。何超雄上月在賭王仍在病榻中時曾入稟高院,要求三姊何超賢提供家族信託的多項資料,包括信託契據、完整財務紀錄、資產現況等等,並申請法庭許可,日後可將資料用於法律行動,但未有詳細說明。案件關乎兩個信託,即Stanley and Clementina Family Trust和The Clementina Ho Trust,入稟狀指何超雄(Deborah Ho)是信託受益人,而何超賢(Angela Ho)是受託人。
何超賢今日回覆《蘋果》表示:「其實大家都一個月前知道爹哋身體嘅情況同掛住佢,根本唔會諗遺產要點分配,佢而家告呢啲無謂嘢,有咩事都要搞好爸爸身後事先,我喺醫院已問佢有咩需要,佢要求要有Trust Fund嘅文件,呢個Trust Fund有20幾個受益人,資料係confidential,係唔可以make copy畀佢哋。」超賢解釋過往處理家族財政問題透明度極高:「我幾時都歡迎佢帶埋律師嚟睇,同埋我哋每年都有開會,個個都知道點分配,冇嘢要隱瞞,好似前幾年,Ringo(何超英女兒蕭玟錚)都有帶律師嚟睇,我同佢講咗好多次,佢一定要copy,同埋畀咗兩封律師信畀我同Gordon(高國駿),即是爹哋定trust fund嘅律師,要求拎copy。」提到信託基金的透明度,何超賢強調每年都會有會議,若沒有現身的人,也可以透過視象會議參與,數目分配係大家知道,係根據爹哋嘅letter of wishes,佢有咩問題,係歡迎佢嚟睇,但係佢從來冇嚟過。」