日本女星有村架純以清純形象走紅藝能界，但佢家姐有村藍里卻係位艷星，外界對有村藍里評價彈多過讚，除咗笑佢樣貌不及妹妹，仲鬧爆佢借妹妹名氣宣傳，隨時會拖累阿妹。

有村藍里早前推出首本裸體寫真集，尺度非常大膽，有報道話唔少AV商都打佢主意，斟有村藍里下海拍AV，以佢係有村架純家姐呢個身份定必能造成話題。

噚晚，有村藍里亮相富士電視台節目，提到佢近日由藝名新井優子改回真名有村藍里發展，佢話最擔心係影響妹妹。有村藍里話眾多批評聲音入面，最多人鬧佢「豬扒」，有村藍里坦言平日影相時會用美圖秀秀，以致硬照同真人分別咁大，同時佢又話自己一定唔會拍AV。