當年今日
關於我們

【有片●畀我靜吓】失五粒扯白旗 灰機山神看破紅塵

蘋果日報 2017/02/16 08:16

阿歷斯山齊士拜仁慕尼黑歐聯阿仙奴

【新增影片】
阿仙奴前鋒阿歷斯山齊士一向喺球場上搏到盡,對隊友亦要求甚高,阿歷士張伯倫早前就講過,自己試過把握唔到山神傳送入波,就算贏波都俾佢捉住傾番球波應該要入,之前亦試過做出「咬手套」等肉緊動作。不過,喺周三歐聯16強首回合作客慘負拜仁慕尼黑1:5場波,山神就俾鏡頭影到喺輸到第五球嗰陣獨自走到場邊踎低凝視眼前嘅一切,猶如看破紅塵,令唔少廠迷看得心傷。
山神呢場波雖然12碼宴客,總算補中成功一度為阿仙奴扳平,亦以12個歐聯入球成為歐聯歷史上入球最多嘅智利球員,但呢位智利射手今季好大機會再次無緣大賽錦標,加上同球會續約遲遲未傾掂數,難怪有指佢今夏求去,有英國記者亦認為:「山神嘅身體語言已經道出一切。見到佢睇落完全受夠了,如果佢今個夏天冇離隊先至令人驚訝。」