當年今日
關於我們

鄧達智已服完化療藥 三個月覆診一次

蘋果日報 2014/11/28 06:00

蘋果鄧達智即時李惠珍十三點

《十三點》作者兼漫畫家李惠珍,今日喺灣仔舉行畫展,鄧達智專誠支持。問到鄧達智係唔係嚟幫漫畫人物設計,佢話唔係,又指要向李惠珍學習,仲話同李惠珍有傾合作,都傾咗好多年,而活動喺今日舉行,都係要就鄧達智,因為早前佢去咗歐洲玩咗三個星期。

鄧達智大讚李惠珍嘅漫畫,佢話:「好有人情味,啲衫又好靚,我細細就有睇,除咗女仔角色之外,都有睇男仔,唔似同期嘅其他漫畫成日打交,有啲古仔都係抄佢,但就唔夠佢有人情味。」

講到鄧達智嘅病,佢就話化療嘅藥已經食晒,冇咩副作用:「係啲皮膚乾咗啲,同埋腳趾位好容易瘀,0依家停咗唔使食藥,三個月覆診一次,一年就要照一次。」