【自信爆晒燈】莫天才:咩隊我都帶得掂!
英超韋斯咸莫耶斯英國足球
雖然教曼聯、皇家蘇斯達同埋新特蘭都衰收尾,但莫耶斯嘅生命力就有如小強般堅毅,打極都打唔死,上個禮拜六仲帶領韋斯咸作客三球大炒史篤城。莫天才似乎越嚟越有自信,仲豪言「世界上任何一支球隊我都帶得掂!」
自從莫天才嚟咗韋斯咸之後,球隊嘅表現就好似有啲起色,近三場聯賽保持不敗。莫天才話:「我諗我有能力執教世上任何一支球隊,所以我好肯定我帶得掂韋斯咸。我嚟呢度係要證明我真係做到,你要走出嚟show畀人睇你做到啲咩。」
當年江華喺都市閒情都話過「娃娃舜」過份自信,希望莫天才唔好因為贏嗰兩場就由自信變自滿,因為英超仲有十幾場未打!
--------------------
狂賀!BFB系列推出5周年,精彩活動為您安排,立即登入速享專屬優惠! http://bit.ly/2xrTKGM