英超隊開始四出踢季前熱身賽，亞洲區域有尋晚嘅利物浦，今晚英超亞洲賽就有愛華頓、史篤城同阿仙奴，喺香港黃金時間落注，起碼唔使捱夜、又有得小注過吓癮。

至於夜鬼嘅，尋晚有歐聯外圍賽第2圈首回合，最懸殊比數係莫迪主場大炒佩歷克五粒；而盤口變動較大嘅就有斯洛伐克球隊特倫辛，迎戰羅馬尼亞嘅布加勒斯特星隊嗰場。馬會初盤開作客星隊要讓平/半，特倫辛個主W有成3.15倍；但臨開波前主隊唔知吹咩風狂落飛，打到平手盤，主客和個主W終盤得番2.53倍，走勢好似冇得輸咁。

結果，呢場喺中立場踢嘅首回合，星隊憑下半場入兩粒贏2:0，特倫辛臨場陣落飛「怪風」，可謂慘淡收場囉！