麥明詩同王君馨今日出席新劇開鏡儀式，王君馨直言同莊思明有咀戲，未拍已經有啲緊張，因為未試過同女仔喺螢幕前接吻，獻出螢幕初吻，自己都想投入當對方係老公咁去咀，可惜老公同莊思明嘅身型唔同。

麥明詩似乎好恨拍女女接吻，又話想做莊思明替身上陣，可惜莊思明身型太高，王君馨就抵死回應，話自己都想試試錫十優美女。王君馨去年11月低調同圈外人Daniel註冊，今年行禮，老公Daniel為太太嚟香港發展，之但係王君馨最近忙於開工，休息時間唔多，而老公亦因為工作關係要夜返屋企，身為章太嘅王君馨都有check下老公，有時打去老公嘅公司電話，老公都有接聽，令王君馨都好安心，笑言老公冇趁機曳曳去夜蒲。