【本報訊】渣打香港是少數有邀請明星藝人或KOL擔任產品代言人的大行，舵手禤惠儀（Mary）表示，該行鼓勵員工開拓創作空間，市務推廣的前線同事較貼地，知道「𠵱家流行啲乜，呢啲方法容易入屋啲。」一姐又不忘引用該行信用卡代言人之一，天后鄭秀文角色笑說，「鄭經理都幾深入民心呀！」
除了鄭經理，陳豪、周柏豪及楊丞琳也做過渣打產品代言人。採代言人策略，Mary認為對客戶「recall（記憶）會好啲，當然自己產品本身亦一定要有質素……佢哋（代言人）形象正面，當然為產品提升咗好多啦。」不過成功非必然，她坦言「有啲廣告出街好好反應，亦可能未必咁好。」但管理層取態「係好open（思想開明）嘅」，最重要勇於嘗試，無論得失都從中學習及成長。
數碼化世代消息高速傳遞，客戶一遇網銀操作故障或緩慢，打電話投訴都慳返，直接在社交媒體申訴，渣打亦不能倖免，過去曾試過電話落飛抽新股打唔通、果迷想買新iPhone但信用卡過唔到數，每次網民都會呼喚鄭經理打救，渣打亦要學習幽自己一默。