四月至今雷神莫雷拉於田草賽事，共策騎過十匹剛造最快末段時間之馬，取得三冠五亞一殿，僅兩駒不入前四名，入Q率更高達八成。

周日(18日)沙田日馬，共有兩匹同類份子「超自然」及「蓮花巨星」由雷神接手，其中第二場五班1800米草地賽，「超自然」今季首兩仗均於四班獲季軍，不過其後再跑九仗均落敗，雖然係咁，近兩仗其實已見復蘇走勢，前仗跑第九輸七個馬位，但末段締速23秒18屬全場最快。

「超自然」上仗乃休後復出，配韋達跑1400米，較遲望空下姍姍來遲跑第五，本身最後800米分段締速為23秒31及22秒92，連續兩段都係全場最快，貫注力確驚人。翻查紀錄，今季告東尼馬房共有四匹剛造最快末段時間之馬，再出改配莫雷拉，勁取兩冠一亞一第五佳績，所以今次「超自然」由莫雷拉接手，大有機會打開勝門。