當年今日
關於我們

【積奇論戰】小將黃俊了解馬性!駿馬極速搞亂檔

蘋果日報 2018/12/11 20:45

小將積奇論戰極速駿馬黃俊

明晚(12日)快活谷夜賽,編跑八場,用C欄角逐,往績顯示,內檔前置馬可賺形勢,後追馬也不吃虧。
大賽過後,依然馬不停蹄,當然谷戰出賽馬匹實力會較次,形勢好緊湊。丁冠豪、姚本輝、方嘉柏及告東尼均擺強陣,值得優先留意。騎師方面,潘頓手握重兵。
「極速駿馬」上季在新馬賽贏「雪戰神駒」,水準唔曳,只是編入三班須要時間適應,今季已跑了三仗,前次轉戰快活谷大敗,輸十多馬位,但上回再跑,已大幅提升表現。
復課保持良好進度,試跑韁口改善,唔急唔搶,馬身收靚毛色深潤,成熟程度及狀態均向前邁進。
今次繼續用小將黃俊負輕磅,有了上賽策騎經驗,了解馬兒特性,排檔形勢大幅轉好,能順利搶出帶放,可以搗亂大局。
「龍船」雖然用得多,但上仗在同程重現追勢,復課加強打磨,拍跳火旺追勢甚強,勇況扳升,論目前形勢,返沙田已難爭,縮落谷草短途更有把握。
「龍串鳳」加盟東廐已交出頭馬,在田草1200米建功,剛戰排大外檔,輸蝕形勢才落敗。
今次轉戰快活谷,試閘轉彎靈活,跑窄場應無影響,最重要是體重保持得好,反映食慾健康各方面都良好,排4檔理想,騎練合作勝出率甚高,都是今場爭勝主角。
「盡開顏」跑了兩仗已收熱身之效,上季都係多跑狀態才冒起,後期在同程取得連捷,能以強橫後勁擊敗「越感」,在此組一定夠爭。「最驫」重養體力仍強,「成才」新勝猶勇,均可介入一戰。