過去三個多月逆權運動引發的警暴，不但很多示威者受傷害，連市民都遭殃。陳恭信與林維坤，上月只不過曾在有公眾活動的場合出現在警方視線，沒有向警方動粗，卻一人被警棍扑頭流血不止，另一人被喬裝警員猛力從後推跌，左肩5處骨折。個多月後，他們雖如常生活，但心中的憤恨、身上的疤痕，永遠抹不走。兩人勇敢地在鏡頭前闡述經過、展露傷痕，只因追尋一個警方給不出的公道。

8月4日晚上，陳恭信在將軍澳景林邨公園，遇到大批防暴警察擋住歸家的路。未幾，警員離場，他與一眾街坊趨前觀察，突然另一批防暴警員下車，衝向在場的街坊，他因走避不及被人用警棍從後擊中。「第一下係感到（成個人）好濕，隻腳好軟，坐咗係地下，有啲暈……（之後）去醫院，急症室醫生話（我）傷口有成4到5厘米，因為我食緊薄血丸，要盡快做手術，咁我話唔麻醉喇，（在頭部）縫咗9針。」陳表示，被襲一刻未感到驚慌，反而在醫院等候電腦掃描結果時惶恐不安，「今年初先小中風，好驚腦內出血，要打開頭骨做手術，好在頭骨冇裂到。」他說，雖然只需留院2日，但因2星期後才能拆線，其間不能洗頭，「幾難忍，洗傷嗰陣姑娘都話，『你可以用濕布抹抹個頭』，即係陣味都好勁……」拆線後，他趕緊回家洗澡，「水一過，用手一抹，成手血，洗咗好耐……諗番起比警察打嗰晚，成件衫都係血，（我諗）洗到老婆嗌晒救命。」

林維坤的情況同樣被廣泛報道，8月11日晚他在銅鑼灣希慎廣場附近逗留時，發現有黑衣人拿着短棍與他人打鬥，「覺得好奇怪，意識到要即刻走。」他跑了不夠10米，便被黑衣打扮的喬裝警員猛力從後推跌，左肩受力之下，膊頭登時骨折。他憶述，倒地後警員隨即壓他在地，並用警棍擊打大腿3下；他曾表示膊頭可能骨折，需要求醫，但警員依舊把他雙手反扣背後，先送往新屋嶺拘留中心落口供，5個多小時後才送去北區醫院，其後獲釋放。

「一照完X光，醫生話我膊頭舊骨碎開4舊，連埋對落條骨，即係5處骨折，佢話一定要做緊急手術，唔等得。」醫生順利在林的傷口鑲上金屬片，再用24口釘夾好傷口。林需留院6日，其間服食多種止痛藥及消炎藥；出院後亦要接受治療，至上月底「拆釘」，「但癒合得唔係咁好，而家左手舉唔高，郁親都感覺到骨頭都郁、想甩……醫生話有50%機會骨枯，如果枯咗，就會再做一次手術，換人工關節……做物理治療都冇咩意思，要等3個月先知（會否骨枯），又有肌肉萎縮。」

陳、林二人身上的傷痕很可能伴隨終生。陳恭信堅稱沒有參與示威，沒想到會在一群街坊中被警棍毆打，「我曾經幫警察諗，有冇任何藉口呢？諗來諗去，得一個，就係想發洩。如果佢真係針對我，佢應該拉我丫，但又冇喎。」他承認當時有街坊指罵警察，「咁市民係咪對警察有意見都唔得先？佢哋最多得把口，你（警方）一嚟就用棍，明顯係諗住發洩完唔使負刑責。」

林維坤說得更激憤，「警察直頭係失哂控，博升職啦﹗」他指出，當晚他在銅鑼灣沒參與打鬥，並正離開現場，豈料喬裝警「從後偷襲」，「大佬，你（喬裝警）如果畀個警示，或者展示委任證，我一定合作，反正我都冇打鬥……使唔使要撲我落地再打我？」

他們都擔心，隨着警方武力不斷升級、更傾向不容忍公眾活動，日後更多無辜市民成為警察濫用暴力的受害者。二人聯同其他受害者成立「反濫權大控訴眾籌計劃」，冀籌1,000萬元，循民事途徑向警方索償及提司法覆核。陳恭信估計，金額能支持十多宗案件，「可能有啲贏、有啲輸，但起碼香港司法制度仲信得過、仲可以保護市民，就算要用幾年時間，都要做。」

記者：于健民

-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰警方正式發信反對

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港