仲有幾日就係猴年大年初一，費清等咗成年，又等到逗利是嘅日子，今年經濟麻麻哋，逗番啲利是幫補下；電子錢包TNG行政總裁江慶恩同費清講，今日年廿七就都可以逗利是，因為TNG會派出100萬封利是，只要註冊成為用戶，就可得18蚊嘅利是。新、舊客戶今日透TNG轉錢100蚊或以上，包括朋友轉帳、支付易轉帳，每轉一次可獲2蚊利是，每個用戶最多可得10封轉帳利是。

江慶恩又話，TNG即日起推出「購物即賞」利是回贈活動，只要客戶喺TNG合作夥伴消費，好似阿信屋等購物，即享10%既利是回贈，如果消費過萬，回贈利是過千蚊。

「3香港」全線3Shop係大初二至初七都派利是喎，3香港話，期間客人拎舊機到店換新機，並選購買機上台月費計劃，會送出300蚊超巿現金券等大利是一封；而新上台選用任何4GSIM月費計劃，可獲贈100蚊利是。

費清就未有計劃換手機，但就想喺廿九(今年冇年三十)晚到黃大仙見識下上頭炷香；領展叫費清有時間不妨到毗鄰黃大仙中心攞件行運福包，由大年初一凌晨派發888份，寓意發發發；排隊時間係年廿九11時半起。

費清＃要生計，也要生活＃毋忘初衷