地產多聲道：新地樓盤得獎代理拍手掌
蘋果日報 2003/05/14 00:00
新鴻基地產係大發展商，每年落成嘅樓盤都唔少，為確保物業質素，除咗引進新技術同監察系統外，重透過獎勵計劃推動員工提升交樓質素。
據最新嘅新地季刊指出，新地舊年有三個樓盤攞到2002年度「最佳交樓質素獎」，分別係跑馬地禮頓山、將軍澳中心一期同沙田欣廷軒。評審委員會成員包括工程管理、建築、工程監督、售樓、物業管理同公司傳訊部等部門代表。
呢三個盤，其中欣廷軒已經賣晒，禮頓山就剩番小量最靚嘅單位待沽。至於最多貨可以揀就係將軍澳中心一期。
獲得呢個獎，唔單止新地開心，相信地產代理都會好高興，因為呢個盤又多一個賣點，日後促銷時會容易得多。𠵱家將軍澳中心重有九百個貨尾，有唔少選擇。
中原董事上京談品味
非典型肺炎對本港造成沉重打擊，中原地產早排做咗個「買家理想居所入市品味因素」網上調查，原來內地嘅中央台都有留意，於是就搵中記做訪問。由於嗰個調查係由大埔區幫手做嘅，所以大埔區高級營業董事張焯賢（Alfred）就代表中記接受訪問。
Alfred講，原本以為用廣東話就得，點知對方做完後，話內地九成半人用普通話，要求佢再用普通話做多次訪問，佢笑住話自己嘅普通話係「有限公司」，對方聽到皺晒眉頭。但最後都搞掂。
聽講呢個訪問，今個禮拜四會喺中央台第一、二同四台播出，想知道內容就要留意嘞。睇嚟Alfred喺國內嘅知名度會大大提升。
據最新嘅新地季刊指出，新地舊年有三個樓盤攞到2002年度「最佳交樓質素獎」，分別係跑馬地禮頓山、將軍澳中心一期同沙田欣廷軒。評審委員會成員包括工程管理、建築、工程監督、售樓、物業管理同公司傳訊部等部門代表。
呢三個盤，其中欣廷軒已經賣晒，禮頓山就剩番小量最靚嘅單位待沽。至於最多貨可以揀就係將軍澳中心一期。
獲得呢個獎，唔單止新地開心，相信地產代理都會好高興，因為呢個盤又多一個賣點，日後促銷時會容易得多。𠵱家將軍澳中心重有九百個貨尾，有唔少選擇。
非典型肺炎對本港造成沉重打擊，中原地產早排做咗個「買家理想居所入市品味因素」網上調查，原來內地嘅中央台都有留意，於是就搵中記做訪問。由於嗰個調查係由大埔區幫手做嘅，所以大埔區高級營業董事張焯賢（Alfred）就代表中記接受訪問。
Alfred講，原本以為用廣東話就得，點知對方做完後，話內地九成半人用普通話，要求佢再用普通話做多次訪問，佢笑住話自己嘅普通話係「有限公司」，對方聽到皺晒眉頭。但最後都搞掂。
聽講呢個訪問，今個禮拜四會喺中央台第一、二同四台播出，想知道內容就要留意嘞。睇嚟Alfred喺國內嘅知名度會大大提升。
心理學家顧修全啱啱賣咗佢住咗好多年嘅跑馬地黃泥涌道翠景樓單位，據中原曾永生講，佢間屋係頂樓連天台，面積一千三百呎，成價三百二十八萬，每方呎二千五百二十三蚊。
顧修全喺90年7月，以一百六十九萬買入呢個單位，埋單計數，帳面賺咗一百五十九萬。佢賣咗樓之後，聽講重未決定會買過另外一間，定係會租樓住。
寫字樓由於缺乏新需求，租務市場變成「塘水滾塘魚」，租期將屆滿嘅商廈租客，便成為市場炙手可熱嘅招攬對象，有空置樓面嘅商廈大業主不斷向佢哋招手，原業主則積極挽留。
聽業內人士話，𠵱家好多搵三五千呎樓面嘅租客，業主同佢傾續約時不但拖得就拖，反而向業主提出先續租一至三個月呢類短租約要求，重應承願意畀番舊租金。由於市場咁多供應，業主大都肯接受租客開出嘅呢類條件，話唔定或者可能重有續約機會。
呢類客都會揀啲裝修啱自己嘅單位，啱條件嘅放盤就唔係咁多。不過，因為搵得寫字樓嘅租客，都好有誠意，代理做成嘅機會都大。
有利建築兩個地盤獲2002年度「公德地盤嘉許計劃」獎狀，其中一個係銅鑼灣「霎東街33號」，攞獎原因係施工採用安全程序，提高工人安全意識、地盤圍板外設花槽美化環境、大量使用預製模件同減少廢料等。
另一個攞獎嘅地盤係「鄧肇堅醫院急症室遷往律敦治醫院」工程，原來呢單工程嘅工作人員，係第二次攞到呢個獎，實在值得表揚。
用好平嘅價錢買到間屋自住，應該係好值得高興，但有時事實就啱啱相反。
聽講有個買家，用幾十萬買咗個住宅，因為佢重攞埋政府嘅貸款，連埋向銀行承做到七成按揭，一個仙都唔使就做到業主。但係當佢向銀行承做樓按時，銀行話佢個單位按揭額，差幾萬至到銀行規定嘅最低限額，所以唔肯同佢做按揭，買家亦因此而未能符合政府貸款規定。最慘重係個買家已經簽咗買賣合約，撻定就會損失定金。
蘭西奉勸各位置貸客，入市前一定要問清楚銀行，可唔可以做到按揭，否則有排煩。
蘭西
電郵地址：
Alfred張（右）普通話一樣掂。
顧修全賣咗翠景樓頂樓連天台單位。