日本天后安室奈美惠屹立樂壇廿多年，近日佢再返家鄉沖繩舉行紀念騷，慶祝出道25周年。

安室5年前趁20周年都喺沖繩開紀念個唱，可惜開騷當日撞正颱風吹襲而被迫取消。安室今次終如願登上沖繩開騷，兩場假沖繩宜野灣海濱公園舉行嘅戶外演唱會已順利舉行，總共吸引5.2萬歌迷捧場，安室由SUPER MONKEY時代到新歌都有使盡渾身解數又唱又跳，個唱尾聲更用上300發煙花點綴，場面壯觀。