歐霸外周四進行連場第二圈次回合比賽，冷味都幾勁，好似瑞超勁旅哥登堡，對住波蘭嘅皮亞斯特，臨場主W得番1.28倍，但全場表現就認真hea，六次射門只得一次中龍，結果就悶和0:0，不過因為首回合有三球在手，照樣晉級。另一場爆冷比賽就有丹超嘅邦比對蘇超嘅喜伯年，邦比首回合作客都贏，次回合返主場應該可以睇高一線，主w亦只得1.42倍，但全場25次射門只得三次中目標，更加冇入波，反而喜伯年由隊長大衛加利建功，作客1:0贏波，爆出6.2倍客W，兩回合踢成1:1，加時亦分唔出勝負，最終邦比互射12碼贏5:3，晉級真係一額汗。