韓國神劇《太陽的後裔》男星宋仲基前年拍完《太陽》後，就只拍了一部電影《軍艦島》，去年10月佢同《太陽》拍檔宋慧喬結婚，婚後兩人享受甜蜜嘅婚姻生活。

其實去年喺結婚前，Netflix方面已斟宋仲基拍《Kingdom》，不過當時宋仲基要籌備婚事，所以就推咗。而今日韓國方面就報道，宋仲基有望出演古裝大劇《阿斯達》(暫譯)，據了解自《太陽》之後，宋仲基方面收到好多出演嘅邀請，當中包括《阿斯達》，現時正慎重考慮是否演出。

《阿斯達》由《善德女王》、《樹大根深》及《六龍飛天》等古裝劇嘅編劇金榮昡及朴尚淵共同編寫，三齣劇集嘅收視成續都好理想，而宋仲基本人亦曾喺《樹大根深》演出。據知金榮昡同朴尚淵去年10月亦有出席雙宋嘅婚禮，估計二人同宋仲基私下感情好好。若宋仲基落實出演，劇集會以先拍後播方式製作，預計明年才播出。

另外，宋仲基除《樹大根深》外，亦曾出演另一齣古裝劇《成均館緋聞》。

更多韓流，喺晒《娛果》
http://fb.com/appledailyent