韓國綜藝節目《Running Man》(RM)嘅劉在錫、全昭旻同池錫辰，上月尾突襲香港進行兩日一夜嘅拍攝，據悉其他成員分別喺韓國、襄陽做任務，相關內容將於今日播出，而今集節目就邀請到韓劇《守望者》36歲女星李詩英及成員HaHa嘅歌手老婆星擔任嘉賓。

拳擊選手出身嘅李詩英，喺節目上透露自己近期學緊自衛術，又點名叫「能力者」金鐘國扮對手畀佢示範，金鐘國從後攬住李詩英，李詩英僅出咗一招就成功打低金鐘國，令《RM》其他成員都相當驚訝。隨後全昭旻諗住學返招，劉在錫就做其對手，點知全昭旻就失敗咗，搞到兩人跌低喺地下，場面好笑。

精選韓流，喺晒《娛果》
http://fb.com/appledailyent