日本女星上戶彩去年被指婚變導致忽然激瘦，好彩近期佢終於回復狀態，fans都立即放心晒。上戶彩主演嘅影視系列《晝顏》以不倫作為題材，咁啱其夫HIRO都曾傳出偷食消息，上戶彩自爆當初獲斟拍劇集版《晝顏》時相當抗拒，自言唔擅長演愛情故事，加上又係個偷食故事，令佢當時已有辭演打算。

高級珠寶品牌BOUCHERON今日喺東京伊勢丹新宿店舉行公開活動，上戶彩獲大會安排佩戴上名貴首飾現身，頸鏈、鑽戒等總值2億日圓，即約1400萬港元。上戶彩出席今日活動時顯得容光煥發，不過佢就話平時出街都好簡樸，今次一身鑽飾令佢感到好驚慌。