張晉同蔡少芬兩公婆,平時好鍾意喺微博貼兩個囡囡包子同湯圓萌爆照片。今日張晉放咗兩個囡囡照片,仲講咗句:「地球是很危險的,你們還是趕快回火星去吧,哈哈哈…」但今次貼嘅唔係一張相,而係一條短片。短片一開始張晉兩個囡囡坐喺床上面,過咗一陣,突然有兩個「機械人」出現,仲鬧着玩用炮火「攻擊」兩個囡囡,咁當然唔係真啦,只係一個app做出嚟嘅特效,兩個囡囡仲笑得好開心。
而條片上咗微博之後,就有唔少網民留言:「太逗了!!期待下一集!保衛地球少女姐們大戰外星人。」﹑「你們夫妻太惡搞你們的寶貝了。」大家都話張晉好有趣,竟然拎兩個囡囡咁玩,不過又真係幾有趣。