【出關喇】容祖兒家中苦練整「台式蛋捲」 隔離完畢即去啪骨醫肩痛
容祖兒隔離出關
容祖兒本月13日由英國倫敦做騷後返港,由於英國疫情大爆發,雖然當時政府未有要外遊巿民返港進行強制隔離,但祖兒都自律的留在家中14日自我隔離,天天都貼出自煮不同「祖餐」短片娛己娛人,眨眼便過了兩周,過埋今日便可以「出關」。
祖兒今早繼續煮個「祖餐」嘆一嘆,她嘗試整「台式蛋捲」,經過了十多日的訓練,她這位美女廚神的技巧越來越精進,今日煎的蛋捲比較複雜,選用的材料都較多,祖兒最後都順利完成。祖兒邊吃邊自讚好味,明天便可以出關,但祖兒不忘提醒大家都要多點居家避疫:「過埋今日我就自我隔離完畢,但自由都要自律,我都會乖乖哋盡量留多啲喺屋企整『祖餐』。」
祖兒貼片後留言:「有人問容祖祖,你隔離完畢第一件事想做甚麼?我就諗都冇諗,第一時間想整返好個膊頭,因為自從歐洲返嚟之後,完全唔可以打側瞓,着衫舉起手都痛,苦忍多日,終於可以去啪番好佢喇,不過各位,如非必要,都務必留在家中,因為你留低喺屋企越耐,就可以越快出番去玩,唔好心野!重點係我會陪住大家。」祖兒開始煮上癮,她續說:「台式蛋捲好易整,明白了個基本可以整好多款式,總之屋企有咩都可以擺喺裏面做餡料,我媽咪見到我屋企越來越多材料頭都有啲暈,佢叫我一定要食晒佢哋唔好浪費,食咗咁多日重料,聽日好想食沙律啊。」
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》