韓國天團BIGBANG嘅太陽近日推出個人回歸專輯，同時展開個人世巡，而太陽為咗宣傳近日都密密上唔同嘅綜藝節目，好鬼勤力。

而太陽日前喺綜藝節目《認識的哥哥》上，太陽竟然玩大爆料，仲話要將一個藏喺心中多年嘅秘密講出來，並說：「事實上比起YG(太陽所屬事務所)，更鍾意SM(事務所)。」即時令現場人直都大感震驚，而身旁同門師弟WINNER嘅宋旻浩為免YG老闆楊賢碩嬲豬，即時喺鏡頭前送心心畀老闆。

主持人李壽根本身屬SM旗下藝人，佢即時拉攏太陽過檔，仲話以後係一家人，搞到太陽好尷尬，事實上太陽只係想開玩笑，點知大家卻不斷追問，搞到太陽即急急指好似犯咗大錯一樣，同時嘅金希澈就鬼馬指以後同太陽係一家人，其他主持人亦繼續指如果太陽被公司趕走，就可以到佢哋間公司，即時笑爆全場。

另外，太陽錄影節目時就自爆佢第一首個人歌《只看著我》本身唔係為佢而寫，因為同自己形象唔襯，不過太陽因為聽完首歌後，即時被歌曲吸引，所以太陽即請求同公司嘅作曲家Teddy畀首歌佢，最終首歌先落喺太陽身上。