【遙遠控制】聖誕期間戰績一流！老苗有「事」擺空城計
蘋果日報 2019/12/26 16:15
苗禮德事勝意谷戰遙遠控制空城計聖誕期間
聖誕節喺外國人社會中非常重要，香港有唔少外籍練者都會飛返家鄉與家人過聖誕，今年好似苗禮德、霍利時同賀賢已飛返南非或澳洲過聖誕，所以今晚（26日）都唔會見佢哋入場跑馬。
不過每逢呢段時候，苗禮德擺空城計成績都唔錯，近三年聖誕後一個賽馬日更有兩年都贏馬，所以今期谷戰可留意佢嘅馬。
第二場三班2200米苗廐「事勝意」，評分降至71分，比去季評78分贏谷草2200米時更低，所以今仗再跑呢場谷草大長途賽。
上場跑嫌短的泥地1200米輸一場嫌人耳目，今場可見真章，作為馬主聖誕禮物。