何佩瑜（Jeana）今日喺新城受訪，佢話最近睇咗套外語片好鍾意，於是開始寫劇本，想拍一部好黑暗嘅電影，佢話：「個角色係女同性戀，好歇斯底里，會自己演番，要剃眉都可以，另一半想搵衛詩雅演。」

講到無綫重播《大時代》收視都好高，Jeana話都有睇下，印象最深係秋官（鄭少秋）推仔落樓，問佢有冇買股票？佢話冇，因為唔太認識，會腳踏實地先，佢又話丁蟹效應係咁啱啫，唔會咁邪嘅。