仲量聯行董事總經理曾煥平表示，中美貿易戰停火，仍然存在很多不明確因素。「本港樓市下跌是否百份之一百因為中美貿易戰影響？不是。當然中美貿易戰是一個重要原因，亦是一個誘發點令本港樓市下跌，但其實本港樓價已經幾高，所以今次回調並不會因為貿易戰停火消息出爐後而好轉，本港樓市仍然存在下調壓力。」

曾煥平指出，過去2年本港樓價升幅急速，尤其是新盤，每一次都挑戰新高，結果帶動二手價格反覆向上，但當中缺乏實際成交支持，尤其是二手市場方面。今次樓市回調，基本上是將過往叫得過高的價錢合理化。所以他重申，本港樓市不會因為貿易戰似乎稍為緩和而立即無事，況且貿易戰只是延後3個月，並不是立即消除，「我唔係睇貿易戰睇得咁簡單話今日已經係無事啦，咁香港樓市就會好返!」

他自問自答：「樓價回落多少先再無向下的壓力?視乎個別情況及地區。部份地區過去升幅幾利害，例如啟德區新盤呎價由1.3萬升到1.5萬再跳到上2萬幾元水平，呢個速度只是一年內發生，呢啲咁嘅區域下調幅度超過10%，一啲都唔出奇。因為佢只不過返去比較合理水平。再舉例，自從西港島線通車，大家憧憬西環好好，過去2年該區新盤，大部份納米樓，升幅係好誇張，由2萬幾升到3萬幾，呢啲區域回返合理水平，係絕對絕對唔出奇!」他補充，當然部份地區升幅比較溫和，回調一成多後已有支持點，例如沙田區。

他預測，本港整體樓市至明年年底，有條件回調25%至30%，「你會問咁會唔會進一步再下調?咁要睇該區供應及之前升幅係咪好誇張。有地區過去幾年升成倍，呢啲情況跌超過30%唔出奇，舉例房協長沙灣「大四喜」項目幾年前開盤講緊賣萬幾蚊，但由呎價1.5萬至1.6萬元，升到深水埗區去到呎價2萬幾銀，呢啲價格回調超過30%，一啲都唔出奇。」

記者:陳家雄