【想彈劾特首？】前NowTV主播葉文炘貼03年與林鄭合照：請原諒我年少無知
蘋果日報 2020/02/09 16:46
杜汶澤林鄭月娥葉文炘
（facebook截圖）- 葉文炘貼出2003年與林鄭合照（facebook截圖）
- 葉文炘認真問了一個問題 （facebook截圖）
- 杜汶澤亦有回覆（facebook截圖）
- 葉文炘對政府亦有好多不滿，「一毫紙 （子）稅都唔想交」！ （facebook截圖）
- 葉文炘曾是NowTV的主播（facebook圖片）
- 葉文炘與杜汶澤亦有合照（facebook圖片）
- 葉文炘亦有遮眼自拍，以示對民主的訴求。（facebook圖片）
前NowTV新聞主播葉文炘(Abbie)近年轉職做上市產品銷售部董事一職，經常上電視講財經，被封做「輪后」。談經濟之餘，Abbie原來都好關心香港，經常在facebook貼出一些「港人心底話」，她曾問：「香港人做錯啲咩？」、「一毫紙稅都唔想交！」
日前Abbie更「認真問」了一連串問題：「我唔熟啲例，如果特首精神有問題，立法會係咪都無咩可能成功彈劾到佢？即係成個香港俾佢搞彎晒，都無嘢可以做到？」杜汶澤留言回覆：「佢唔係人民選出嚟，無彈劾，要經中央㗎，得支爆一條路架炸(㗎咋)」、「我好樂觀。有生之年一定見到！光復香港！」
Abbie昨日整理相簿，見到一張2003年，即沙士爆發年份，與當時仍未是特首的林鄭月娥返母校頒獎予學妹的合照。當時Abbie仍是少女，穿着校服，一副清純look在林鄭手中接過獎項，當時林鄭好開心，露齒而笑。Abbie留言：「個心又離一離呀！！！無聊地整理相簿，然後見到呢張相......（攝於2003年7月3日）」。有網民留言：「唉呀，個污點好大粒呀。」Abbie亦有回覆：「我畀咗好大勇氣公開污點，希望大家會原諒我年少無知......。」
-----------------------------