欣宜直言娛樂圈壓力好大,要時刻保持開朗及正能量,她自爆去年曾想過退出娛樂圈,她說:「當時睇唔到自己前景,有啲唔上唔落,覺得自己瘦又唔係瘦過人,靚又唔係特別靚,唱歌唔係最好,演技又唔係好,有時仲缺乏機會㖭!不過,咁啱DaDa(陳靜)又話退出,我先冇咁做。」12年尾至13年中是欣宜最失落的日子,更一度每日借酒澆愁,她說:「試過一段時間,日日喺屋企玩電腦,一個人飲威士忌,第二日連自己點沖涼、換衫都唔記得,醉住咁出去做嘢。」
幸欣宜最後學懂釋放負能量,她說:「學識同朋友食完飯一齊散步,仲有做運動。而我最叻就係整甜品,見到朋友食得開心,我就心滿意足,自己都開心埋。」她直言多數跟圈外朋友傾訴,她解釋:「因為呢個圈工作壓力好大,如果一齊呻,個黑洞只會越嚟越大。」
採訪、攝影:王連連