盧建民喺信入面講,最近朋友探佢時候通知佢,佢患癌病嘅爸爸3月中因病情轉壞,入咗ICU接受化療,𠵱家仲留喺醫院,盧建民知道後好擔心爸爸病情,喺監入面忍唔住喊咗一場,唔知點樣可以幫到勞碌半生嘅爸爸,又怕爸爸等唔到佢出獄團聚,八方明白盧建民擔心爸爸嘅心情,希望佢爸爸喺醫護人員治療下,可以早日康復,等盧建民可以同佢團聚。至於盧建民寄畀童童慰問卡,《蘋果》已轉交童爸手上,2月27日八方喺「隔牆有耳」寫過,童爸仲話已畀咗童童睇,認為畫得好靚,多謝大家對童童祝福。另外,盧建民之後亦有寄慰問卡畀《蘋果》早前報道過,因患癌而俾僱主即炒嘅菲傭Baby Jane Allas,《蘋果》記者亦已將慰問卡轉交Baby Jane Allas。
李八方