【中環寸咀】波叔真係好幼稚
蘋果日報 2019/12/18 10:15
財經中環寸咀財經
波叔—陳茂波係網誌話，如果社會繼續亂，國際投資者就對港失去耐性;點解做到財爺個位，波叔好似未開竅咁？真係好幼稚！任何一個地方政治不穩，都吸引唔到國際投資者啦，就算係本地商家佬都唔會開新project，除非洗濕左個頭就另計。波叔連香港的 uniqueness —獨特性係乜都未知。班年青人話「攬炒」，即係同你攬住死呀!幾間大學被仆到爛爛溶溶，到底邊個俾錢修葺?聽鍾國斌係電台講，有啲濶佬原本分10年捐錢俾大學，而家俾左兩、三期就縮沙唔想再捐，嘩！咁咪好X著數？乜乜榮譽博士個彩就攞哂，錢又唔使捐，真係呢期反送中運動最大得益者。雖然我口袋入面都有啲budget，但就唔會捐俾教育界，點解？政治問題一日未解決，容乜易好似美心咁，整好又再仆過，咪即係倒錢落鹹水海！係大學揸拂啲友戇居啫，唔通我又陪你一齊戇居呀?超！