當年今日
關於我們

【短片】【新城嫂起底】Moka獨愛港男 曾冧黃宗澤

蘋果日報 2015/12/02 06:00

郭富城施念慈CeliaK.Moka新城嫂VoodooGirls女生公寓五月花語

郭富城噚晚喺微博貼拖手相,破天荒公告戀情,宣佈同來自上海o靚模方媛(Moka)嘅戀情。

今日有雜誌報道指「新城嫂」Moka,喺內地模界出身,嚟港發展嗰陣曾經簽過施念慈旗下,大前年推出過寫真晒33C驕人身材,之後又同一班o靚模組成VoodooGirls出碟。

前年仲進軍埋螢幕,同Celia.K、Meimei等拍過網劇《女生公寓》同微電影《五月花語》等等,不過事業唔見有乜起色,所以最後都係決定返內地發展,0依家就主力做平面廣告model。

報道指其實Moka暗撻城城之前,原來勁冧黃宗澤(Bosco),曾經勁讚過Bosco夠潮又夠型,佢話相比內地男士,更鍾情港男,因為港男比較有禮貌、體貼,內地男就太大男人,仲自爆之前同過北方男士拍過拖,但就嫌佢哋太過大男人,今次冧掂天王城城做男友,仲唔一次過滿足晒四個願望?

黃宗澤接受傳媒訪問時就回應:「哦﹗係咩?多謝讚賞,但我唔認識佢。」