打造四億科幻鉅製、集四大影帝古天樂、劉青雲、謝君豪、張家輝同影后劉嘉玲主演、新進導演吳炫輝執導嘅科幻片《明日戰記》，喺千呼萬喚嘅情況吓，今日公佈咗條預告片。故事設定喺2055年未來受到污染，加上外星異種藤蔓「潘朵拉」入侵，人類併死一戰。

戲入面有唔少動作同未來武器嘅場面，開場一幕戰鬥運輸機起飛、裝甲車同機械人公路追逐場面，都好有睇頭。中段巨型戰機墜毀、重裝士兵逃亡令人揣不過氣。當然唔少得一班影帝的傾力演出，每一個眼神、動作都係戲，加上佢哋獨特造型，特別係姜皓文一身黃色皮褸配dreadlock頭。而青雲同古仔就孭住重型網甲去打怪獸。事實上佢哋呢一套道具衫重成40磅，又跑又跳，挑戰兩人體力極限。最後個一幕古仔着住裝甲，回望身邊突然出現嘅怪物，非常有《異形》薛歌妮韋花遇見異形個幕嘅感覺。

精選娛聞，喺晒《娛果》
http://fb.com/appledailyent