韓國女子組合4MINUTE噚日喺音樂節目《M!Countdown》入面蟬聯冠軍歌，擊敗咗最近單飛出碟嘅f(x)成員Amber，4MINUTE五位成員都好開心，尤其係隊中年紀最細嘅昭賢，咁啱噚日亦正式升格做大學生，喺演出節目前率先參加咗東國大學嘅入學禮。

為咗紀念好事打孖上，「馬舞女」泫雅、智賢、祉潤同嘉允就輪流獻吻，圍住昭賢咀佢面珠賀一賀，不過昭賢個樣好似唔多受落，十分搞笑。