當年今日
關於我們

廣告撞到正明打對台
余文樂著波鞋狙擊霆鋒

蘋果日報 2003/01/27 00:00


余文樂甫出道便被指是謝霆鋒的接班人,早前更有報道指他踢走謝霆鋒,接拍可口可樂廣告,而阿樂日前又出任內地波鞋代言人,實行與霆鋒的內地波鞋廣告打對台。
余文樂自出道以來便被指是謝霆鋒的接班人,早前更有傳他取代謝霆鋒接拍可口可樂廣告,想不到阿樂竟要狙擊霆鋒至內地。霆鋒去年中接拍內地特步波鞋廣告,阿樂最近亦不甘示弱,接拍內地恩東鞋塑的波鞋廣告,以七位數字出任代言人,實行與霆鋒打對台。

跳足九小時
阿樂早前特別抽空到廣州為恩東運動鞋拍攝平面廣告,他花了九小時在一幢廢置的古羅馬式大廈內不停做出跳躍動作,展示其陽光笑容,動感十足。阿樂說:「我平時畀人coolcool哋嘅感覺,可以試吓開心啲、活力啲嘅造型都好開心,但最開心係原來廣州都有人識我,我去參觀佢哋舖頭嗰陣,好多路人同學生重大叫我個名,廣告商啲親戚又嚟晒,搞到間舖好迫人呀。」
阿樂自言收藏了百多對運動鞋,今次除了廣告酬勞外,阿樂還可免費任着該品牌的波鞋,他說:「波鞋公司老闆重話可以度身訂做波鞋畀我,款色顏色同大細都係獨一無二,有對余文樂款式運動鞋,諗起都興奮!」

食野味怕怕
問余文樂接拍波鞋廣告會否怕競爭時,他則說:「因為內地有好多唔同波鞋牌子,好似有條村就已經有成三十個唔同牌子啦,所以唔怕有競爭。」
阿樂表示拍攝完畢後,廣告商請他品嘗山珍海味,不過他看見各種奇珍異獸被鐵籠困住後,即時嚇了一跳。
阿樂說:「佢哋話食穿山甲、果子狸我都怕怕哋,真係唔敢食,見到啲動物好慘,食佢哋好殘忍,但廣告商真係好好客好熱情,卒之我點咗幾味海鮮,飲啲水魚湯囉。」
empty
余文樂在廣告中不停做出跳躍動作。
empty
《你追到我先算啦!》謝霆鋒去年接拍了內地特步波鞋廣告。 資料圖片