崔碧珈今日喺銅鑼灣為富臨飯店阿一鮑魚舉行嘅「中意晚宴」發佈會擔任司儀，同場有楊貫一及意大利米芝蓮三星名廚Umberto Bombana出席。晚宴將於明年1月19日舉行，每位需要8018元(未包加一服務費)，名廚阿一仲話屆時菜單仲有一款隱藏菜式，據了解，如食客訂位並繳交3000元費用，便可知道隱藏菜式係咩㗎喇！

原來崔碧珈第一次做司儀，表現緊張，佢話：「自己雖然做過主持，但係同做司儀有好大分別，之前做主持有其他人合作，可以將個波拋來拋去，而且係錄影有得控制，做live有啲難度，自己練習比較少，不過自己聽寫讀睇都冇問題，大會好好，知我第一次做司儀，叫我唔使緊張。」

崔碧珈話自己亦有興趣向司儀方面發展，或者會修讀有關課程，佢話o依家學緊繪畫動畫短片，同埋籌備緊自己嘅運動服裝品牌。崔碧珈話：「因為爹哋做製衣，自己比較了解設計同質料，初步會做泳衣同sport bra，暫時只做網店，唔會做實體店 。」

更多娛聞，喺晒《娛果》
http://fb.com/appledailyent