長毛昨日在黨主席陶君行陪同下召開記者會,表明願意就日前闖入替補機制諮詢會承擔責任,但同時批評部份保皇派人士一邊在諮詢會上,向他施以暴力襲擊,要由警員上前阻止才停手,一邊卻以「油尖旺社團聯會」成員名義,到警署要求警方嚴懲施暴人士,「我無意追究呢位人士,但唔該佢哋唔好賊喊捉賊。」同時反問聲討社民連的民建聯和工聯會,「劉江華成日話要嚴懲暴力人士,咁係咪要拉呢啲人?」
長毛又指有保安員受到高層壓力,要向示威者作出種種指控,「我知佢哋受到好大壓力,等於特首聲稱心口被撞後,歷史博物館職員要畀口供警方,檢控社民連人員一樣」。他強調當日無意傷害任何人,「如行動因為太用力整到佢哋,我願意道歉」。對於有建制派議員指摘當日的示威是「有計劃、有預謀」使用暴力,長毛指純屬造謠,「如果我哋嗰啲要依法追究、要全民譴責,工聯會同埋共產黨搞啲暴動係乜?佢哋譴唔譴責?」
長毛又在記者追問下,表明無意評論他人行動是對是錯,但澄清當日面戴「V煞」面具的示威者並不是社民連成員,「我哋冇人戴V煞面具,呢個唔係我哋黨嘅政策,我家只怕警察日後會派人戴V煞戴面具搗亂,因為無法核實身份」。